CIGARETTE BUTTS AND SENSELESS TANGENTIALITIES

1. Mr. Congeniality
Sila yung best in friend-making contest. Lahat, kaibigan nila and in fairness, lahat kilala sila. Ubos ang buong araw sa #good morning, #good afternoon, #good evening at #goodnight niya. Masasabi rin talagang unlimited ang internet connection nila. Walang bakas ng angst at negative vibes ang kanyang mga tweets. #hello_sunshine! #Good_day_everyone! #Godbless all! #Happy Edsa Revolution Day ang usual niyang hash tags. Nakakaaliw sila!

2. Haliparot Award of the Year
Sila naman talaga yung makati pa sa gabi at higad na maituturing. Josko poh, kelangan hindi mababakante sa kalandian. Ka-fling ng bayan. Sa kanila inihulma ang salitang #flirt. But no. Kahit gaano ka given na haliparot sila, hindi sila aminado sa sarili nila na landi talaga ang nakakapagbigay sa kanila ng aliw sa "twirrer". Minsan, mapapansin mong ang mga tweets nila ay may pahaging na paglalanding sekswal. Atake nila yan. At ang ilan sa kanila, sa sobrang kire, ay nilalandi rin ang ilan sa mga alam nilang may partner na. Makati nga kase. Base sa isang VERY reliable source, karamihan sa mga haliparot awardees ay hindi gaanong nabiyayaan ng kagandahang pisikal. Ito na man ay isang subjective na assumption lang ng isang source (which is, i emphasize, very reliable).

3. Mysterious Serial Killers
Sila naman ay hindi talaga mamamatay tao... or baka din. Misteryoso ang pagkatao nila. Malalalim sila mag tweet, at kung minsan, kahit ilang beses mong paulit ulit na basahin ang tweets nila, isa lang masasabi mo: "anu daw???!!!". Malalim rin sila mag ingles, at minsan, matalinghaga sila mag tagalog. Ang ilan sa kanila ay puntirya ng mga haliparot awardees, bilang challenging nga namang landiin ang isang mystery guy. Kakaiba ang takbo ng utak ng mga mysterious serial killers. Misteryoso ang kanilang pagkatao. Karamihan sa kanila, wala pa talagang nakakakita personally. Yung iba sa kanila, malalaman na lang nating namatay daw dahil sa cardiac arrest. Sumalangit nawa.

4. Diabetic Love birds
Sa tamis ng pag tweetan ng mga ito, mahihiya ang mga taong totoong dependent na sa insulin. Masasabi ring ginagawa na nila minsang DM ang kanilang mga tweets. Wala namang masama sa ginagawa nila,duon sila masaya eh, eh di pagbigyan. Ngunit yung mga nakakabasa ay umay na umay na minsan. Go lang! Anu beeeh, guilty ako sa aspetong ito. Kebs lang.

5. Conan the Barbarians
Peg nila yung Face to Faceni Madam Amy. Sila ang mga amazona at barbaro ng twitter. Lahat nega sila. Kung maka react, akala mo me kaaway lagi. Laging naka kontra, naka conflict, lagi silang may opinyong against. Para silang mga aktibista. Or aktibista rin talaga. Kasama na rin dito yung mga malalaki problema sa buhay. Puro reklamo na lang ang tweet, as in lahat. #ang init ng fx na ito. #Nakakainis, walang masakyan. #Ang init sa Pinas!!!  #Bwisit, nakasalubong ko ang ex ko. #Grabeeeh, ang baho ng hininga ko!  Kasali na rin sa grupong ito yung mga Pintasero at pintasera, ngunit di naman kagandahan. Hitsura ahhh!!!  Minsan, kahit alam nilang wala sila sa lugar, kokontra pa rin sila para lang mapangatawanan nila yung image nila. Lagi silang may pahaling na mga opinyong wala naman talagang humihingi.

6. Nonsense Blabbers
Kung pwede lang sendan ng virus ang mga PC at phone nila, matagal ko nang ginawa. Kung anik anik na lang yung pinagsasasabi please. Lahat na lang itinitweet, mula sa miserable nyang taba sa pige, hanggang sa butas na bagang ng kapitbahay, pati yung mga nananahimik na chenelarp, kasali sa tweets nya. Wala namang mali sa ginagawa nila. Freedom of speech nga diba? Wow, wag naman nating i-avail nambongga ang freedom na ito to the point na anik anik na lang ang pinagsasasabi. Josko po, kakaiba talaga sila. Sa sobrang dami ng ka nonsense-an nila sa buhay, karaniwang mataas ang number of tweets nila. Pero out of libo libong tweets na yun, mga 17 lang talaga yung tweets na may value.

7. Mike Enriquez
Kabaliktaran naman ito ng mga nonesense blabbers. Sila naman yung tipong may social impact at relevance ang mga pinoproblema nila sa buhay. Highy opinionated ang kanilang tweets. Puwede naman kasing kebs na lang sa mga isyu, but no... wala silang pinapalampas na kaganapan. At lahat dito, may sinasabi  sila. Madalas din silang mag retweet ng mga balita at tweets ng @ancalerts, @ABSCBNnews, @GMAnews, @TV5Philippines, @CNN, at @belamiporn. CHORLAT lang yung huli pero meron talagang ganon.

8. Picture Perfect
Ginawa na rin talaga nilang photo album ang twitter. Puro pictweet, instagram, flicker ang drama nila. Ok rin naman kasi nakakaaliw din ang mga larawang pinopost nila. Random sila kung mag post, pero meron ding iilan na bawat kibot atah eh naka pictweet. Kulang na lang eh pag tae nila, naka instagram.

9. Headless horsemen
Ay dito, maraming guilty. Hindi lang ito sa twitter kundi sa buong cyberspace community. Naglipana ang mga kalalakihang pugot. Wala kang makikita sa mga DP at tweetpics nila kundi dalawang mapipintog na dibdib, mga nagsusumigaw na utong at abs na pagkasarap sarap. Yun lang, wala pa silang lakas ng loob na magpakita ng mukha. Kung anu man ang rason nila sa pagbabandera ng katawan at pagkukubli ng mukha, iyon ay hindi ko alam. Ewan ko lang ah. Baka di pa sila out talaga. Or hipon-ish din. Or both. Or bought. Or  boat. CHAR! :D

Hindi pa ito yung lahat. Marami pang iba ibang klase ng tao sa "twirrer", Yung iba nakakatuwa, nakakarindi, may nakakainis, may nakakapagpasaya at mayroong wala lang talaga. Gaano man ka diverse ang mga uri ng tao sa twitter, tandaan natin na hindi magiging kumpleto ang ating twitter experience kung wala ang mga ito.  Ang salpukan ng iba ibang ugali, atake at banat ng mga tao sa twitter ang nagbibigay kulay sa munting mundo ng twitter.

Ikaw, may maidadagdag ka ba sa kanila? Saan ka nabibilang? Happy Tweeting everyone!